Napatigil si Samantha sa ginagawang pagpupumiglas sa paghigpit ng yakap ni Calix sa kaniya nang marinig ang binulong nito. Mabilis na tiningala ang mukha at nakitang nakapikit ito ngunit ramdam niyang gising ito dahil nagawa nitong higpitan ang pagkakayakap sa kaniya.
Nang makabawi ay mabilis na tumayo buhat sa pagkakadapa sa ibabaw nito. "Kung mahal mo ako qdapat ay hindi mo ako niloko," aniya saka lumayo rito.
Hindi napigilan ni Calix ang maluha sa sinabi ni Samantha sa kaniya. "Kung pinili ko ang sinisigaw ng isip ko, siguro ay hindi na ako nagsinungaling pa. Pero mas pinili ko ang sinisigaw ng puso ko dahil hindi ko kaya kung mawala ka ulit sa buhay ko," puno ng pait na turan.
Napahinto si Samantha sa narinig buhat sa asawa saka marahang nilingon ito. Kita ang pagpatak ng mga luha s
