Agad namang inawat ng ilang kawani ng coffee shop nang muli siyang susugurin. "Hayop ka! You promise to protect her pero bakit ikaw mismo ang nanakit sa kaniya!" singhal nito.
"I'm sorry, Papa," aniya.
Nang mapansin nito na medyo nakakaabala na sila ay napaayos ito ng upo. "Ayos na kami. Pasensiya na sa abala," hingi nito ng paumanhin sa mga staff at ilang naroroon.
Kitang sinapo nito ang mukha matapos silang iwan ng mga umawat dito. Kasunod ang pagyugyog ng balikat nito. Ilang sandaling nasa ganoon itong posisyon bago pinayapa ang sarili saka tumingin ng tuwid sa kaniya.
"How is she?" seryosong tanong nito tukoy sa anak.
"Nasa bahay siya ngayon, kasama ni Mommy," tugon dito.
"Anong plano mo?" muling tanong nito.
Napayuko siya dahil sa totoo lang ay wala pa siyang plano. Kailangan
