Alumpihit na hinawakan at sinamyo ang bulaklak. Hindi niya muling maiwasang mapaluha, luha na tanda na handang magsakripisyo para sa pagmamahal kay Calix. Hindi niya inaakalang darating siya sa puntong ganoon, na handa siyang magpakamartir para sa pag-ibig.
Isang mapait na ngiti ang pinakawalan bago nagpasyang tumaas na nang bigla ay natigilan siya. Nasumpungan kasi ng mga mata si Calix na nakatanaw sa kaniya. Nahihiyang binawi ang mga mata, batid na kitabniya ang ginawa niya.
Kapwa walang nakahuma sa kanilang dalawa hanggang sa makitang pababa na ito. Napakaguwapo ni Calix, malinis na tignan at siya ang tipo ng lalaking papangarapin sinumang babae. Napapalunok siya sa bawat hakbang nito pababa sa kinaroroonan hanggang sa makarating sa kinatatayuan niya.
Hindi alam ni Calix ang nagtulak
