Naglambing kasi si Geraldine sa kaniya na dumaan sa paborito nitong sushi bar sa isang mall kaya napapunta siya sa mall kahit iritable sa usad ng trapiko. Mas lalong nainis nang nasa labas pa lamang ng sushi resraurant na iyon ay kita na sa salaming dingding ang asawa na nakikipagtawanan sa isang lalaki.
Hindi niya napigilan ang sariling tunguhin ang kinaroroonan ng mga ito at marinig ang malulutong na tawa ng asawa sa hirit at banat ng lalaking kasama nito. Mas lalong umahon ang selos sa dibdib niya lalo pa at nakita kung papaano hagurin ng lalaki ng tingin si Samantha. Sa tingin pa lang nito ay batid niyang gusto o interesado ito sa kaniyang asawa.
Nang hindi matagalan ang banatan ng mga ito ng biro ay tumikhim na siya upang ipabatid sa mga ito ang kaniyang presensiya.
"Ahemmm!" tikhi
