PARA walang gulo, pinagbawalan ni Alina si Ezekiel na kausapin siya na hindi related sa negosyo. Pero tiniyak naman niya rito na hindi siya magpapasakal kay Elias. Nanatili siya sa opisina habang naghihintay kay Elias.
Mahigit isang oras na siyang nakaupo sa harap ng lamesa at may pinipirmahang papeles. Nang matapos ay hinanap niya sa malaki niyang wallet ang calling card na binigay ni Dr. Roe Rosario, ang psychiatrist ni Elias. Sinubukan niya itong tawagan, mabuti sumagot kaagad.
“Hello! This is Dr. Rosario speaking,” sagot nito buhat sa kabilang linya.
“Uhm, good morning, Doc! Si Alina Rodrigo ito,” pakilala niya naman.
“Oh, hi, Alina! How are you? Balita ko ikinasal na kayo ni Elias.”
“Oo, this week lang.”
“Congrats pala.”
“Salamat.”
“Bakit ka pala napatawag?”
“Ano, aalamin ko
