HINDI kinausap ni Alina si Elias nang makauwi sila. Inabot na sila ng alas siyete dahil dumaan pa sila sa opisina ni Elias at may kinuhang papeles. Nakahain na ng hapunan ang tiyahin niya kaya kaagad silang kumain.
“Makunat ang karne. Dapat ginamitan n’yo ng pressure cooker,” masungit na komento ni Elias sa nilagang baka.
Sinipat ni Alina ang kaniyang tiyahin na naiilang. Makunat nga naman ang karne pero masarap naman ang lasa.
“Pasensiya na, Elias. Takot kasi akong gamitin ang pressure cooker,” anang ginang.
“Sana hindi kayo bumili ng matigas na parte ng karne ng baka. Hindi n’yo ba alam ang tenderloin, parte ng karne?”
“Eh, hindi ko naman alam kung alin ang malambot na karne at kung ano ang tawag.”
Umapela na si Alina dahil bumakas na ang takot sa mukha ng ginang. Hinawakan niya it
