“ELIAS! Tama na!” awat ni Alina sa asawa ngunit namingi na ito. Nataranta na siya lalo nang makabawi si Ezekiel at nasuntok din sa mukha si Elias.
Nagtawag na siya ng bodyguards dahil hindi na niya kayang awatin ang magkapatid. Nang mapigil ng isang bodyguard si Ezekiel ay yumapos siya kay Elias na nanginginig pa sa galit.
“F8ck! Are you trying to kill me, Elias?” gigil na tanong ni Ezekiel. Pinahid nito ng kamay ang dugo sa gilid ng labi.
“Yes, kung hindi ka lalayo sa asawa ko!” ani Elias.
Nagawa pang tumawa ni Ezekiel kahit duguan na ang mukha. “Ano ba ang kinakatakutan mo, ha? Takot kang maagawan ng asawa, ng babaeng kay tagal mong inasam?”
“Shut up, as*hole!” asik ni Elias.
“Bakit? Guilty ka? Sabihin na nating hangal ako, sakim sa babae, pero at least hindi ako duwag na nagtatago
