“SACHON!” Kay sigla ni Sal na sumalubong sa akin sa Incheon International Airport. Yayakapin pa sana ako ng bruha pero maldita na itinulak ko siya sa mukha.
“Huwag ka ngang OA.” Inirapan ko siya.
“Grabe naman. Hindi ba puwedeng na-miss lang kita? At saka excited lang sa mga pinadala ng mga anak ko at lalo na sa adobong pinadala ni Yaya Anette para sa akin?” reklamo naman niya.
Speaking of pinadala para sa kanya, asar ko rin kanina kasi ay nag-excess baggage ako dahil sa kaartehan ng bruhang ito. Paano’y may hilaw na mangga pa na pinadala at request daw niya, sussme!
“Ayan, saksak mo sa baga mo,” sabi ko at padabog na ibinigay sa kanya ang isang maleta. Tapos ay nauna na akong naglakad palabas ng airport. Gusto ko nang makarating agad sa apartment ko at humilata. Feeling ko ay ngayon k
