Third-person's Point of View
Naging matagumpay man at maayos ang pagpapasa ng korona sa bagong hari, kapansin-pansin naman ang kakaibang atmosperang nakabalot sa buong palasyo. Hindi lang sa loob, maging sa labas ng kaharian.
Personal na nagpaalam si Lala sa lahat ng naging malalapit sa kaniya sa loob ng mga taon ng kaniyang pagsisilbi bilang reyna. Napakaraming mga malulungkot na mga mukha ang kaniyang nakita sa kaniyang pag-alis. Wala naman na silang magagawa roon.
Ganoon talaga. May aalis ngunit may darating. Wala silang pagpipilian kundi tanggapin dahil iyon talaga ang tradisyon sa kanilang mundo at magpapatuloy pa ito.
Nakapag-impake na si Lala isang araw bago ang alis niya ngunit dahil sa mga ibinigay na mga regalo sa kaniya ay kinailangan niya muling mag-ayos ng mga iyon. Marami
