Badtrip si Kor pag-alis namin ng building niya. Ilang beses siyang nagmura at hindi ko na naman mapigilan ang matakot sa kanya kaya naman idinistansiya ko ang aking sarili. Hinayaan ko lang siya hanggang sa kumalma siya at muling bumalik sa dating sigla ang kanyang mukha.
Si Walden naman kasi ang galing tumayming. Hindi ko alam kung ano ang gusto niyang palabasin. Wala man lang siyang takot na galitin ang kanyang kaibigan. Gusto yata talaga niyang galitin si Kor hanggang sa mag-away silang dalawa.
Ayaw ko naman na ako ang maging dahilan para masira ang pagkakaibigan nila. Alam ko bata pa lang silang dalawa ay sila na ang magkasangga. Sila ang laging magkakampi sa lahat ng oras. Pero may pagkakaibigan talaga na nalalamatan kahit ayaw nila. At ayaw kong maging ako ang rason para magkawata
