BALIK busy na naman kami nina Francis at Katrina, nang sumapit ang Christmas break nila ay lagi ng maraming bumibili sa amin, maging sa kabilang street yata ay sa amin na rin bumibili.
“Ate Kathleen, wala na po tayong yelo! Magkukudkod po muna ako.” sabi sa akin ni Francis kaya tumango ako sa kanya.
Siya talaga ang hands on sa shake namin. May bagong flavor nga kami katulad ng matcha, bubble gum and coffee flavor shake. Siya ang nag-suggest sa akin iyon at iyong matcha and coffee flavor ang best seller na namin. Na-ungusan na niya ang buko pandan and mango flavor namin.
“Sandali lamang po sa shake, ha? Naubusan po kami ng yelo.” Hingi ko nang paumanhin sa mga bumibili at sa mga naghihintay ng shake.
Tumango lamang sila sa akin kaya ngumiti ako sa kanila. Ako naman ay nagluluto ng che
