KANINA pa pinagtatakhan ni Tami ang ikinikilos ni KG sa kaniya. Kaunting galaw lang kasi niya ay todo alalay agad ito sa kaniya.
“Hubby, okay naman ako. Hindi mo kailangan na laging nakaalalay sa akin. Daig ko pa ang diyamante na sobrang ingat na ingat mo,” hindi niya napigilang isatinig nang makaupo siya sa one seater na sofa sa may salas ng kanilang mansiyon.
Nakauwi na sila sa bahay nila kanina pang umaga. Pati mga magulang niya ay kasama pa nila ni KG nang lumabas siya sa ospital, hanggang sa makauwi sila. Doon na rin nananghalian ang kaniyang ama’t ina. After lunch ay umuwi na rin ang mga iyon.
At nang hapon nga na iyon ay sila na lang ni KG ang muling magkasama. As usual. Ngunit ang kinikilos nito ay hindi usual.
“Wife, daig mo pa talaga ang isang diyamante na kailangan kong inga
