Nagmamadali akong umalis sa bahay ng hindi na lumilingon pa sa kanilang dalawa.
Halos isumpa na ako ni Mommy sa galit niya sa akin pero hinding-hindi ko pagsisisihang naging matigas ako sa kanila ngayon.
Alam kong nasaktan ko sila dahil mataas ang expectation nila sa akin.
Pero hindi ko na mababago ang nararamdaman ko para kay Layna.
Isang himala na lang ang hihilingin ko sa maykapal na sana ay maging masaya sila para sa akin.
Kung may madali sanang paraan para solusyunan ang lahat ng mga problema na 'to ay ginawa ko na.
Kahit na gaano pa kalabo ang pag-asang iyon ay gagawin ko pa rin.
Dumiretso ako sa garahe at kahit na malayo na ako mula sa library ay rinig ko pa rin ang pagwawala ni Mommy.
Nagtatalo pa rin sila ni Daddy dahil sa akin at inaamin kong masyado akong naging a
