"Chad may tinatago ka ba sa akin?" mahina kong tanong sa aking sarili habang tinitingan ko ang labas ng bintana sa kotse.
Malalim ang iniisip ko ngayon dahil alam kong may mali. At kung meron man siyang lihim ay mabuti pang sabihin niya na lang sa akin dahil pipilitin kong intindihin siya.
"Maam Layna, nandito na po tayo," magalang na wika ng driver ni Chad matapos niya kong pagbuksan ng pinto.
"Salamat, babalik ka ba kaagad sa opisina ni Chad?" Tumango siya sa akin bilang tugon at nagpaalam na rin sa akin.
Kahit na malungkot ay sinubukan kong baguhin ang mood ko. Ayaw kong ipakita sa mga kapatid ko at sa pamangking kong si Aamon na malungkot ay may bumabagabag sa aking isipan.
Binuksan ko kaagad ang kinalawang na gate namin at dumiretso na papasok sa loob ng bahay. Napansin kong
