Matapos naming mag-usap ni Mommy ay para akong nawalan ng gana sa lahat.
Tinanggal niya sa akin ang lahat ng pag-asa na sana dapat ay siya ang nagbibigay no'n sa akin.
Inayos ko ang kumot niya at hininaan ko rin ng konti ang lamig ng aircon dahil kanina ko pa napapansin na ang lamig niya.
Para siyang.... Hindi ko matuloy-tuloy at iniling ko ang aking mga ulo dahil alam kong hindi iyon mangyayari.
Alam ko kung gaano siya katapang at nangako kaming dalawa sa isa't isa na magkakasama kami hanggang sa aming pagtanda.
"Pasensiya ka na kay Mommy. Alam mo naman 'yon masyado siyang praning pagdating sa mga desisyon ko. Wala siyang tiwala sa akin at narinig mo naman 'di ba? Natatakot siyang masaktan ako. Ganoon oa rin naman 'di ba? Takot ka ring masaktan ako kaya kinakaya mo ang lahat para
