Buong araw kaming namasyal ni Tita Jerlyn sa loob ng mall.
Maliban sa mga mamahaling bag na nabili niya para sa sarili at para sa akin ay bumili rin kami ng mga make-up at iba't ibang klaseng pampaganda.
"Tita, may problema po ba?" nag-aalala kong tanong dahil napansin ko ang lungkot sa kaniyang mukha matapos niyang kausapin si Tito sa kabilang linya kanina.
Umiling siya at mukhang gulat na gulat sa aking tinanong.
Pansin kong kanina pa palalim nang palalim ang kaniyang mga iniisip.
Kung ako ang tatanungin ay halata namang problema ang inaalala niya.
Nakokonsinsiya tuloy ang kalooban ko dahil baka naging pabigat na ako sa kaniya.
Hindi naman niya ako responsibilidad kaya sa oras na ito ay hindi ko napigilan ang magtanong.
"Wala, may pag-uusapan lang kami ng Tito mo tungkol sa
