Kinabukasan nagising akong katabi ko pa rin si Layna.
Nasanay na akong gumising ng maaga pero ayaw ko munang dumilat dahil gusto ko ang pakiramdam na magkatabi kaming dalawa.
Gustong-gusto ko ang amoy ng buhok niya at lagi ko itong hinahanap.
Para na akong naaadik sa bango niya at amoy niya lang ang gusto kong langhapin.
Mahigpit ang yakap ko sa kaniya at sa tingin ko ay para bang hindi na siya makahinga sa higpit.
Dahan-dahan niya akong tinulak para magkaroon ng distansiya sa pagitan naming dalawa pero hinihigit ko siya ulit papalapit sa akin.
Natawa siya nang mahina bago nagsimulang magsalita. "Gising ka na ba?" tanong niya sa akin pero hindi ko siya ginagot.
Binalewala ko ang tanong niya at nagpanggap na tulog pa.
Dahil kapag nalaman niyang gising na ako ay pipilitin niya
