TATAWA-TAWA si Assi na hinarap ang asawa na labis na nag-aalala para sa kaniya nang makarinig ng kalabog. Sa pagmamadali kasi ay natabing niya ang ilang gamit at bumagsak iyon sa sahig. Natawa na lamang siya dahil sa nakatutuwang reaksyon ng asawa dahil talagang alalang-alala ito. She found him cute. “Ayos lang ako.” Lumapit siya rito. “Pahawak nga muna nito at liligpitin ko lang ang mga ‘to.” Sinadya niyang ibigay rito ang pregnancy tester na ginamit noong isang araw at saka sinimulang ligpitin ang mga nakakalat na gamit sa sahig.
Nakahinga naman nang maluwag si Alejandro nang malamang maayos lamang ang kalagayan ng asawa. Tinanggap nito ang iniabot niya. “I’ll help you—”
“‘Wag na, ako na,” nagmatigas siya. Hindi siya makapaghintay sa reaksyon nito. Hawak-hawak na ng asawa ang kaniyang
