MABILIS na lumipas ang mga araw, ganoon din ang pag-umbok ng tiyan ni Assi. Hindi normal ang laki nito, at kung hind inga nila kaagad nalaman na kambal ang kaniyang ipinagbubuntis ay baka kinabahan na siya ngayon. Kahapon lamang ay dumalaw sila sa hospital kung nasaan nananatili ang ina ni Alejandro. Hanggang ngayon ay lumalaban ito sa sakit ng cancer at ayon sa doctor ay himalang nalampasan nito ang anim na buwang palugit sa buhay nito. Ipinapanalangin ni Assi na magtagal pa ang ginang upang masilayan ang pagluwal ng kambal. Halos hindi pa nga rin nagkikita ang kanilang mga magulang.
Tinungo niya ang garahe kung nasaan ang kaniyang asawa at abala sa paglilinis ng sasakyan. Dadalawang sasakyan na lamang ang nadala nito sa kanilang bahay, ang iba ay naiwan sa mansion. Ngunit maari naman s
