*** MAE ***
Ilang araw nang hinayaan ni Mae ang panunuyo sa kan’ya ni Jacob. Inaamin niyang kahit tinanggap niya ang paghingi nito ng pahintulot na ligawan siya ulit, hindi pa rin siya kumbinsido na nagbabago na ito. Napatango na lang siya noon sapagkat wala siyang choice lalo pa’t lulan siya ng sasakyan nito, takot lang niyang baka ilihis nito sa ibang daan ang sasakyan at hindi siya nito tuluyang iuwi sa kanila. Pero ang halikan na naganap ang hindi niya masasabing kontrolado niya gawa ng magkahalong damdamin na biglang nabuhay nang marinig niya ang senceridad sa tono nito at makita ang tila nangungusap nitong mga mata. Kahit anong pilit niyang itanggi ang katotohanan pero mahal pa rin niya ang lalaki.
Nagmistula nang flowershop ang kanyang opisina sa dami ng bulaklak na ipin
