Regular na oras na ng uwian. Ang ingay ng nagkakagulong mga trabahante ay unti-unting naging tahimik hanggang sa ang nililikhang ingay ng kanyang galaw na lamang ang kanyang naririnig sa buong silid. Ang kaninang maliwanag na paligid ay napalitan na rin ng dilim. Gaya ng nakasanayang ginagawa niya sa tuwing nag-o-over time siya ay pinatugtog n’ya nang may kalakasan ang kanyang portable speaker na ikinonekta niya sa computer.
Dahil good mood siya ay nagawa pa niyang kumanta-kanta sa salin ng tugtugin. Hindi niya ramdam ang pressure sa ginagawang trabaho lalo pa’t alam niyang anumang sandali ay darating na si Jordan at may makakasama na rin siya sa wakas.
Lumipas ang dalawang oras, nakatapos na siya ng pitong folders. Sakto namang bubuksan na niya ang pangwalo nang biglang pumasok
