Mas lalo siyang napanganga nang matanaw ang isang mansiyon sa gitna ng bundok. Nag-iisa lamang ito roon at napapaligiran ng mga puno sa paligid. Sa ‘di kalayuan nito ay may tila may isang malawak na plaza na hugis pabilog. Para saan naman kaya iyon?
Biglang nagsalita ang piloto na hindi naman niya naintindihan dahil ang kanyang paningin ay naka-focus sa bahay na iyon. Habang papalapit sila sa kinaroroonan nito ay mas namangha pa siya nang matitigan ang itsura nito sa malapitan. Ngunit napansin din niyang hindi pa ito gaanong tapos sa pag-construct pero maliit na lang naman ang kulang.
Buong akala niya ay lalagpasan lang nila iyon pero nagulat siya nang lumiko sila at pinaikutan ito hanggang sa unti-unti ang kanilang pagbaba papunta sa plaza na hugis bilog. Saka lang niya napag
