“Hindi ako susuko, Mae, tandaan mo iyan,” saad niya kahit wala na sa kanyang harap ang dalaga.
Kahit hindi sabihin ng dalaga ay alam niyang mahal pa rin siya nito hanggang ngayon. Kita niya ang kislap ng mga mata nito sa panahong nagpapanggap pa siya. Naniniwala siyang nabulagan lang ito ng galit dahil sa pananakit na kanyang ginawa at maging siya ay sising-sisi sa sarili dahil kalabisan na ang kanyang sinabi rito noong huli silang nagkausap bago ito nag-resign.
Isang tao na lang talaga ang kanyang problema, si Jordan. Nangangamba siyang baka tuluyan nang nahulog ang loob ni Mae rito lalo pa’t ito ang laging kasama ng dalaga no’ng panahong puro sakit lang ang kanyang ibinigay kay Mae. Sa bawat bigkas ni Mae sa mga katagang iyon kanina, kung gaano nito katanggap si Jordan ay daig pa
