Habang nagmamaneho ay hindi niya mapigilang mapangiti dahil sa natuklasan. Buong akala niya ay wala nang pag-asa para sa kanilang dalawa. Kay tagal niyang namuhay sa dilim na poot at paghihiganti lang ang iniisip para sa dalaga. Ang detalyeng sinabi ng kanyang ina ang mas lalong nag-udyok sa kan’ya upang mapasakanya nang tuluyan ang dalaga. Kay dami na ng kanilang pinagdaanan noon na nasundan ng panay na bangayan ngayon na siyang pinagsisihan niya. Kung nalaman lang sana niya ng mas maaga ang lahat ng ito, hindi na sana niya hahayaan pang masaktan at magdusa si Mae sa kanyang mga kamay. Ngayon ay sisiguraduhin niyang sa huli ay sa kan’ya pa rin ang bagsak nito, hindi para pahirapan kun’di busugin ng pagmamahal at pag-aaruga kasama ng mga magiging supling nilang dalawa.
Pinuntahan niya
