KITANG-KITA NI SPIKE ang nagpipigil ng mga luhang si Ianira. Patakbo itong lumabas ng restaurant, kung saan sila nag-usap ni Hunter.
Hinayaan niyang mag-usap ang dalawa. Hinintay lamang niya ang dalaga sa loob ng sasakyan.
Mukhang hindi naging maganda ang kinahinatnan ng pag-uusap ng magkatipan. Nag-alala tuloy siya sa dalaga.
Mabilis niyang binuksan ang pinto ng kotse at lumabas para sundan ang dalaga nang hindi ito dumeretso sa sasakyan niya.
“ Ianira! ”
Hinablot niya ang baywang ng dalaga at mabilis na hinila nang muntikan na itong masagasaan. Tila wala ito sa sariling tumawid sa kalsada.
“ Magpapakamatay ka ba nang dahil lang kay Hunter? ” singhal niya rito.
Nagulat siya sa nangyari at hindi niya sinasadyang sigawan ang dalaga.
Ngunit nahimasmasan siya nang makitang umi
