Chapter 60
Kakamot-kamot ako ng ulo habang naglalakad patungo sa sakayan pauwi dahil ngayon ko lang napansin na nawawala pala 'yung wallet ko. Hindi ko alam kung naiwala ko ba o naiwan lang sa bahay dahil sa sobrang pagmamadali kaninang umaga. Buti na nga lang at may barya akong nakakalat sa bag, eh. Kung hindi, maglalakad ako mula dito hanggang sa bahay. Pero, hindi, eh! Dala ko 'yun! Tsk!
Lumulutang kasi ang utak ko, eh! Hindi ako masyadong nakatulog kagabi dahil sa sinabi ni Jace. Parang ramdam na ramdam ko pa din hanggang ngayon 'yung paghalik niya sa buhok ko. 'Yung pagyakap niya ng mahigpit... 'yung malungkot niyang boses... Naiisip ko nga kung kailangan ko pa bang marining na sabihin niyang mahal niya ako, o hindi na, eh. Para kasing... Don't be deceived by his actions, Sarah!
