Chapter 58
Nakasakay ako sa kotse ni Hansal patungo sa isang bar. Inaya ko siyang magliw-aliw muna at pumayag naman ito. Ayoko pa din namang umuwi sa bahay dahil ayokong makita si Jace. Kapag kasi nakita ko ang mukha niya, siguradong masasaktan na naman ako dahil maaalala ko lang 'yung mga sinabi ng mga kaibigan niya at 'yung mga sinabi niya kagabi.
Hindi ko pa din sinasabi kay Hansal ang tungkol doon at wala akong planong sabihin iyon sakanya... sa ngayon. Mas mainam na hindi niya muna malaman.
Tumingin ako kay Hansal nang mag-ring ang phone nito. Inis niya itong kinuha sa dashboard saka sinagot.
"Nagda-drive ako!" bungad niya sa tumawag. "Hindi. May lakad kami ng bestfriend ko..." tumingin ito sa akin ng naka-kunot ang noo. "Sa bar... Oo! Bakit ba ang dami mong tanong!... Sige na! Ib
