Kakamot-kamot ako ng ulo habang humihikab na tumatayo paalis sa kama. Maliwanag na sa labas ngunit mukhang hindi pa naman ganoon kataas ang sikat ng araw. Wala na din si Jace sa kama, at hindi man lang niya ako naisipang gisingin.
Nakakahiya dahil baka isipin ng mga magulang niya batugan ako at tinatanghali sa kama. Sa bahay ko lang ginagawa ang gumising ng tanghali kapag walang pasok.
Lumapit ako sa bintana at hinawi ang kurtina. Napangiti ako nang makita ko si kuya Jap na hinahabol ang dalawang bata sa may garden habang may hawak na water gun. Naka-upo naman sa harapan ng mesa sina ate Maureen at ang mga biyenan ko habang pinapanuod ang mga naghahabulan. May mga nakahain na ding pag-kain sa mesa.
Hinanap ng mga mata ko si Jace at napansin kong kausap niya si ate Camille. Medyo malayo
