Malungkot akong nakangiti habang nagku-kwento kay Aldrin kung paano ko naging asawa si Jace. Wala akong kinaligtaang detalye sa kung paano nangyari iyon. Habang kinukwento ko sakanya ay nakatingin lang ito sa akin at walang imik na nakikinig, at halata sa mukha niya ang lungkot.
Ramdam ko din naman ang lungkot na nararamdaman niya. Pero mas mabuti ng sabihin ko na sakanya ang lahat ngayon dahil pakiramdam ko ay umaasa pa din siya sa akin.
"Kung kaagad ba kitang niligawan, papayag ka pa bang magpakasal sakanya?" tanong nito pagkatapos kong magsalita. Ngumiti ako at umiling.
"Sa totoo lang, hindi. Kung naging tayo bago pa man mangyari 'yun, ako mismo ang aayaw," saad ko. "Pero ngayon, mas naiisip ko na mas okay na yung hindi mo ako niligawan," dagdag ko.
"Bakit?" tanong nito. Inilibot ko
