"Paminta, hahaluin mo na lang ba iyang kape mo? Wala kang balak inumin? Sayang naman yung ibinayad ko diyan!" mataray na sabi ni Seth sa tapat ko.
Napahinto ako sa ginagawa ko at saka napabuga ng hangin.
"Sorry."
Kaya pala ito pumunta sa kuwarto ko kanina ay para yayain akong mag-early lunch. Kaya andito na kami ngayon sa favorite naming Italian resto.
"Napakain na kita. Siguro naman magkukuwento ka na dun sa eksena kanina sa kuwarto mo. Akala ko ba, wala kang boyfriend? Eh sino iyung muntikan mo nang kalaplapan kanina?" usisa nito.
Nagdalawang-isip ako kung sasabihin ko kay Seth ang totoo. Pero sa bandang huli, pinili kong sabihin na din sa kaniya ang hindi pa niya alam sa buhay ko. Anyway, kaibigan ko naman si Seth. At isa pa, naniniwa
