"Tara na, Zyrus. Mag-breakfast ka na. Papasok ka pa sa school."
"Nanay, andiyan pa ba iyung matandang masungit?" inosenteng tanong ni Zyrus.
"Shhhh! Zyrus? Lola mo iyun. Huwag mo siyang tinatawag nang ganun. Gusto mo bang magalit sa iyo ang Tatay mo?" mahinang saway ko dito.
Humaba ang nguso nito.
"Eh, kasi naman, Nanay. Ang sama-sama niya tumingin sa atin. Wala naman tayong ginawang masama sa kanya. Di ba, Nanay?"
Niyakap ko ito. Hindi siguro makalimutan ni Zyrus iyung eksena kagabi sa hapag-kainan habang naghahapunan kami.
"Ahmm... M-Mam? Handa na po ang hapunan..." pag-aya ko sa Mama ni Chad habang nakaupo ito sa sofa sa sala.
Nilingon ako nito pero tinaasan lang ako ng kilay, at saka eleganteng tumayo at naglakad papunta sa di
