Kinabukasan sakay ng chopper ay tinungo ng mag-asawa ang Isla San Vicente para masigurado na tama nga ang kanilang hinala.
Samantalang, maaga pa lang ay nagtulong na si Hannah at Cayden na linisin ang pool sa likod bahay. Tinanggal nila ang mahabang trapal na nakatakip dito. Mabuti na lang at hindi nag-uulan kung hindi ay napuno na ng tubig ang trapal. Nang matanggal nila ang takip ay bumungad sa kanila ang katamtamang laki ng swimming pool. Malinis pa rin ito ngunit kailangan pa rin nilang linisin bago lagyan ng tubig. Pinagtulungan nilang sabunin ang pool. Matapos nilang linisin iyon ay pinuno naman nila ng tubig.
Masayang nagtawanan si Hannah at Cayden habang nakatitig sa malinis na swimming pool. Ibinaba ni Hannah ang kaniyang mga paa sa tubig, at agad na sumundot si Cayden. Sabay si
