Alam naman ni Cayden na tama ang ginagawa niya na pag iwas kay Hannah. Iyon din ang payo ng mga pinsan niyang sina Justin at Dave sa kaniya, kaya lang minsan pakiramdam niya ay hindi na niya kayang tiisin na hindi ito kausapin o makita man lang.
Dahil nagtatrabaho na ito sa kanilang kompanya ay madalas itong pumunta sa kanilang opisina at may mga pagkakataon talaga na hindi maiwasang magkasalubong sila ng landas. Sinisikap niyang maging kaswal lang ang pakikitungo rito kung kinakailangan ng pagkakataon na dapat niyang pansinin ito. Katulad na lang ngayon na may okasyon ang kanilang kompanya at imbitado ito pati na ang iba pang modelo ng kanilang cosmetics product.
Sa pagkakataong iyon ay hindi na niya pwedeng iwasan ang kaniyang kababata dahil nasa iisang lamesa lamang sila. Para naman
