“SORRY to disappoint you, sir. Pero ngayon lang ho ako na-late. Kahit ipa-pullout niyo pa po ang attendance sheet ko sa kabila,” hindi na napigilang sabihin ni Estelle.
Wala siyang karapatan na isagot ito dapat. Pero hindi niya alam na dito pala siya ma-assign. Ang sabi, mother company. Obvious na subsidiary lang din ang hawak ni Kurt. Malay ba niya, ‘di ba?
Pero talagang ganito ang buhay. Isang pagkakamali lang, palis lahat ng pinagpaguran mo. Mapapalitan ng isang marumi ang malilinis mong record.
“At may gana ka pang magrason sa akin, Miss Aguilar?” salubong ang kilay nito.
“Sorry,” parang labas sa ilong na sabi niya. Hindi niya alam na lalong uminit ang ulo nito.
Hindi nakapagsalita ang bagong boss pero alam niyang nagngingitngit na ito sa galit. Sinamantala niya iyon para makapag
