Masayang sumama sa kanila ang bata, mainam na rin 'yon para hindi nito masyadong isipin ang eksenang nasaksihan nito tungkol sa kanyang magulang. Hangad naman ni Lorraine na sana kapag ibinalik nila ang bata ay ayos na sina Chelsea at Dexter.
"Tita, gusto mo rin po bang magkaanak?" maya-maya ay inosenteng tanong ng bata.
Nagulat tuloy si Lorraine at hindi malaman kung ano ang isasagot rito kaya napatingin siya kay Philipp na noon ay nakatingin din pala sa kanya.
Napalunok tuloy siya ng sunod-sunod lalo pa ay matiim ang tingin na ibinibigay sa kanya ni Philipp, lumakas ang kabog ng kanyang dibdib kaya mabilis na binawi ang tingin.
"Siguro ang ganda po ng magiging anak ninyo kapag nagkaanak kayo," hirit pa ng paslit na mas lalong nagpamaang kay Lorraine.
Mabuti na lamang at mabilis si
