Naalala ni Philipp ang tangkang pagtutok ng baril ng lalaki sa kanya kanina, naisip tuloy na baka balak talaga ng lalaki na dukutin siya tulad ng ginawa nila kay Menardo.
"Sir, heto na po ang reciept ninyo, next please," untag ng casher sa kanya.
Mabilis niyang inabot ang inaabot nitong resibo saka mabilis na bumalik sa harapan ng emergency room.
Hindi pa man siya nakakaupo nang tumunog muli ang kanyang cell phone, si Salvacion 'yo. at malamang na alam na nito ang nangyari kay Menardo.
"Hello?"
"Philipp, alam mo na ba?" aburidong gagad nito sa kanya.
Humugot siya ng malalim na paghinga saka sinagot ang kasamahan.
"Oo, katatawag lang ni Black Scorpion gamit ang cell phone ni Menardo, may nagtangka ring dukutin ako kanina," bigay-alam rin dito.
"Sh*t!" malutong na mura ng babae sa
