Mabilis namang sinagot ni Salvacion ang tawag ni Black Oregon, ipinaalam niya kasi rito anh tungkol sa pagdukot ng kampo ni Black Scorpion kay Menardo.
"Hello?" dinig niyang saad nito.
"Hello, Black Oregon," tugon naman dito.
"Nabasa ko ang 'yong mensahe, mukhang determinado silang bawiin ang mga kontrabando," komento ni Black Oregon.
Iyon na rin ang pumasok sa kanyang isipan kanina nang malaman sa kasamahan nila ang ginawang pagtangay ng mga armadong lalaki kay Menardo.
"Tama ka," tugon naman niya.
"So, ano'ng plano niyong gawin? Ano'ng sabi ni Black Princess," usisa nito. Natigilan si Salvacion lalo at nang marinig ang tungkol kay Black Princess ay naalala ang kondisyon nito. "Hello?" untag nito.
"A, yes, nandito pa ako. As of now ay pinag-uusapan pa namin ang sitwasyon, sinabi ko
