Napatigil si Mikaella nang mahagip ng mga mata ang papasok sa restaurant na kinaroroonan nila ni Dexter si Zayn. Mas lalong napakunot ang noo niya nang tila mamukhaan ang babaeng nakaabresiyete rito, parang nakita na niya ang babae pero hindi niya alam kung kailan at saan.
Hindi niya tuloy namalayan na napansin pala ni Dexter ang bahagyang pagkatigagal.
"Kilala mo ba sila?" untag nitong tanong na nagpabalik sa kanya.
"Ha, uhmmm, yeah," turan niya.
Mabuti na lamang at hindi na muling nag-usisa pa si Dexter, habang siya naman ay isinunod ang tingin sa pares at nakitang nakipagkamay ang mga ito sa isang lalaking tila ka-business meeting ni Zayn.
Tumikhim si Dexter upang muling kunin ang kanyang pansin.
"Hindi ka mabubusog kung hindi mo kakainin ang pagkain mo," untag nitong saad dahila
