Tuloy na tuloy na ang operasyon nila, batid na nila Philipp na alam na ni Black Scorpion ang plano nilang pananabotahe sa shipment nilang darating dahil kay Mr. Snowman kaya maigting ang surveillance nina Ka Tunying sa grupo ng mga Scorpions upang malaman kung ililipat ang gagawin nilang meeting place ng mga Chinese vessels.
"Handa na ba ang lahat?" maigting na tanong ni Menardo. Nasa isang luma at abandonadong bahay sila sa gitna ng kagubatan.
"Yes, boss," sigaw ng mga kasamahan nila dito.
"Ikaw ba, handa na, ayos na ba ang sugat mo?" tanong ni Lorraine sa lalaki.
"Ayos na ako, Black Princess, kumusta nga pala ang naging usapan nito ni Black Oregon kahapon?" usisa nito.
"Ayos naman," aniya saka ngumiti at nakitang nakatingin sa kanya si Philipp kaya mabilis na pinalis ang ngiti sa la
