Dalawang araw na ang lumipas mula nang magkita sila ni Black Princess pero hindi mawaglit sa isipan ni Zayn ang sinabi nito. Ayaw niyang mag-isip ng masama tungkol sa kanyang business partner pero tila nagagatungan ang sinabing 'yon ni Black Princess lalo pa at lately ay tila abalang-abala si Mr. Snowman.
"Sir, pinatawag mo raw ako?" tinig ng tauhan na papalapit sa kanyang desk.
"Oo, maupo ka," aniya sa tauhan. So far ay ito pa ang tauhang realible siya sa outcome ng trabaho nito.
Mabilis naman itong naupo sa upuan sa harapan ng desk at naghintay ng kanyang sasabihin.
"Ipinatawag kita dahil alam kong sa lahat ng tauhan ko ay ikaw ang mapagkakatiwalaan ko, higit roon ay malinis at matagumpay mong nagagawa ang lahat ng task na ibinibigay ko," puri niya sa tauhan na tila natuwa naman sa k
