Halos sa sala na natulog si Lorraine upang mapantayan si Philipp, ibinilin kasi ni Menardo na bantyan ang lalaki at huwag iyong hayaang makaalis ng bahay. Batid niyang pansin ni Philipp ang ginagawa niyang pagbabantay rito pero hindi siya nagsasalita.
"Hindi ka pa ba pupunta sa silid mo?" tanong ni Philipp sa kanya. Alas-onse na 'yon ng gabi.
"Hindi pa ako, inaantok, ikaw kung gusto mo nang matulog, mauna ka na," tugon niya kay Philipp.
Tumiim ang titig nito sa kanya na tila inaarok kung nagsasabi ba siya ng totoo. Tila nais magsalita o magtanong pero hindi nito nagawang ibuka ang bibig kaya nagkibit-balikat na lamang si Lorraine. Hanggang sa maya-maya ay pinatay nito ang TV at tumayo, pinapakiramdaman siya nito at ramdam niya 'yon sa bawat titig nito.
"Matutulog na ako, hindi ka pa b
