Walang inaksayang oras sina Philipp nang positibo ang naging lakad ng tauhan ni Menardo matapos ng halos tatlong araw na surveillance nila sa building na sinabi ni Lorraine. Isang operasyon ang kinasa ng kanyang kasamahan upang iligtas ang kanyang mga magulang. May kaba sa dibdib dahil maaaring maging madugo ang operasyon nila kung kakasa ang mga matataas at high-powered security ni Black Scorpion.
"Ayos ka lang ba?" untag ni Lorraine nang mapansing nakatulala si Philipp matapos nilang mag-almusal. Naghahanda rin kasi sila para sa isang malaking operasyon upang bawiin ang magulang nito mula kay Black Scorpion.
"Ha?!" gulat na bulalas ni Philipp sa hindi napaghandaang pagtatanong ni Lorraine.
Ngumiti ang babae sa kanya.
"Sabi ko, ayos ka lang ba? I know, kinakabahan ka sa magiging outco
