Walang kama o anuman sa silid na pinagdalhan sa kanya ni Philipp, nakita lang na naglatag sina Salvacion ng kumot na siyang hihigaan nila.
"Halika, alam kong hindi ka sanay matulog sa ganitong lugar pero hayaan mo, bukas na bukas rin ay babalik na tayo sa normal," anang pa ni Salvacion nang makitang nakatitig lang siya rito at sa ilang kasamahan na noon ay nakahiga na sa inilatag na kumot.
"Huwag kang mag-alala, Black Princess, matigas man ang higaan natin ngayon, at least safe tayo," sabad naman ni Jessy na nakangiti pa. Batid niya namang gusto lang siyang i-comfort nito.
Mabilis siyang ngumiti sa mga ito.
"Ayos lang ako," aniya saka lumapit sa mga ito upang mahiga na sa nilatag nilang kumot.
"Ayos naman pala, cowboy naman pala itong si Black Princess," hirit naman ni Jessa.
"Ikaw
