Hanggang makauwi si Lorraine ay laman pa rin ng isipan ang tungkol kay Charry at sa kaugnayan nito kay Black Scorpion, maging ang nakitang pagsasama nina Mikaella at Mr. Melendrez. Naisip na mainam na ring nabaling kay Mikaella ang atensyon nito at hindi na siya mahihirpang iwasan ito.
Habang tumatagal ay tila nagiging komplikado ang lahat, mukhang paliit na nang paliit ang mundong kanilang ginagalawan. Sana lang bago pa tuluyang sumikip ay matapos na nila ang kanilang misyong lipulin ang dalawang malalaking sindikato.
Napailing na lamang si Lorraine sabay ngiwi nang maalala si Black Scorpion at ano kaya ang magiging reaksyon nito kapag nalaman nitong ang kaisa-isa nitong anak ay kasintahan ng kanyang kalaban.
Nasa ganoon siyang pag-iisip nang makarinig siya nang kaluskos mula sa may
