KUMPLETO ang mga kaibigan na dumalaw sa condo ko. Ilang araw na kasi akong hindi nagpaparamdam sa kanila dahil sa lungkot na nararamdaman ko. Hindi ko pa rin alam ang gagawin ko. Lalo na’t hanggang ngayon ay wala pa rin akong natatanggap na chat o text kay Race.
May mga dalang pagkain at prutas ang mga kaibigan ko. Dahil hindi na ako makapaglinis ng bahay kaya sila na lang ang naglinis ng condo ko.
“Dina, baka gusto mong maligo? Malinis na ang loob ng condo mo, ikaw na lang ang mabaho,” wika ni Veronica. Hawak pa niya ang walis tambo.
“Bakit ba nandito kayo?”
Nameywang siya. “Gusto mo suntukin ko ang tiyan mo? Lahat ng lakad namin ay ipinagpaliban namin para lang puntahan ka at kumustahin kung buhay ka pa, pagkatapos ganyan ang sasalubong mo sa akin?”
“Hindi ako baliw para magpakamata
