Mabilis na lumipas ang mga buwan, malaki na ang tiyan na at hindi na niya maitatago pa. Sinabi na rin niya sa kaibigan at kasamahan sa trabaho na buntis siya at walang ama ang dinadala niya. Mabuti na lang at hindi na nag-usisa pa ang mga ito at maintindihan na ayaw niyang pag-usapan ang pinagbubuntis niya, lalo na ang ama ng kanyang dinadala. Tiyak na madaling makikilala ng mga ito kung babanggitin niya ang pangalan ni Marcus Leonardo, kilalang businessman si Marcus sa pinas kaya isang search mo lang sa pangalan nito sa internet ay malalaman mo na agad ang buong pagkataon ng isang Marcus Leonardo. Walang pwedeng makaalam kung sino ang ama ng pinagbubuntis niya. Isa sa kasunduan nila iyan ni Don Marcelo, kahit anong mangyari hindi niya pwedeng ipaalam kanino man na si Marcus ang ama ng bat
