HINDI na natuloy pa ang pag-aaya sana ni Aniah na pagkakape sa kaniyang nobyo dahil sa mga kapatid niyang naghihintay sa kanilang pag-uwi ni Chandrea.
Si Aniah na rin ang humanap ng dahilan para makauwi na si Devon at baka kung ano pa ang sabihin ng mga kapatid niya sa nobyo niya.
At sa paglabas nga nila sa entrada ng mansiyon, hindi nakaligtas kay Aniah ang para bang paghinga nang maluwag ni Devon.
“What’s that for, love?” hindi naman niya napigilang itanong dito.
Nang makalapit sila sa kotse na sasakyan ni Devon ay saka lang nito sinagot ang tanong niya.
“Sa totoo lang, para kasing nakakatakot kaharap ang mga Kuya mo, love,” amin ni Devon kay Aniah.
Ramdam din ba ng puso nito na minsan ng hindi naging maganda ang unang paghaharap nito at ng mga kapatid niya, may apat na taon na ang
