BAGO pa lumapat ang likuran ni Aniah sa tiled floor ng swimming pool ay naramdaman niya ang pagpulupot ng isang kamay sa kaniyang katawan. Sunod niyon ay ang pag-ahon niya buhat sa ilalim ng tubig.
Ganoon na lamang ang paghinga nang malalim ni Aniah nang makasagap ng hangin. Halos habulin niya ang kaniyang paghinga.
“N-naalala mo na?” agad na tanong ni Aniah kay Devon nang balingan niya ito ng tingin. Dinala siya nito papunta sa may gilid ng swimming pool. “Devon.”
Galit ang mababakas sa guwapong mukha ni Devon nang balingan siya ng tingin. “‘Wag na ‘wag mo ng uulitin ang ganoon, Aniah.”
“Kung naalala mo na nga?” she hissed.
Tumiim ang mga labi ni Devon. “Mas importante pa ba talaga ‘yon sa iyo, ha?! Mas pipiliin mong malunod para lang bumalik ang mga alaalang nawala sa akin? That’s b
