NAPALUNOK si Aniah nang makabawi. Sigurado siya na tinutudyo lamang siya ni Devon.
“No way,” matigas naman niyang tutol sa sinabi nito.
Kay bilis pa rin ng kabog sa kaniyang dibdib. Parang hindi niya lubos maisip na sa sitwasyon na iyon ay magtatabi sila sa iisang kama. Kahit sabihin pa na matutulog lang naman sila.
“Then it settled,” wika naman ni Devon bago hinayon ang sofa. Inayos pa nito ang throw pillow na siyang gagawin nitong unan. Kapag kuwan ay nahiga na roon. Lampasan ang mga paa nito sa sofa.
Nakatitig pa rin si Aniah kay Devon nang balingan siya nito ng tingin.
“Matulog ka na rin. Good night,” wika pa ni Devon kay Aniah.
“Ayaw mo talaga na mag-request ako ng mattress?” giit naman niya.
Ipinikit na ni Devon ang mga mata nito. “Hindi na.”
Ayaw rin naman nito na mag-stay s
