MAGKAHAWAK kamay nilang nilibot ang lahat ng booth sa Perez Park. Dahil naroon na rin naman sila at kapuwa first time nilang nakapunta sa Niyogyugan Festival kaya naman sinulit na nila ni Devon ang pamamasyal. Hindi pa maiwasan na mapatagay si Devon dahil sa mga lambanog o coconut wine na specialty rin ng Quezon Province.
Tunay na kay yaman ng probinsiya ng Quezon sa iba’t ibang aspeto. Sa kultura, turismo at marami pang iba.
Bawat bayan, kay raming kuwento. At bawat bayan din, mayroong kani-kaniyang handang ihandog sa iyo upang pasyalan mo ang bayan nila.
At habang naglalakad-lakad sila sa parke, napapatingin pa si Devon sa mga batang masayang naglalaro ng laruang pinalilipad sa ere na mayroong ilaw.
“‘Wag mong sabihin na gusto mo ring maglaro ng ganoon?” natatawa pang biro ni Aniah k
